«ՄԵԴԻԱԱԿՈՒՄԲ» ՔՀԶ ՀԿ
Մեր թիմի հիմնական կազմում 4 փորձառու լրագրողներ ենք, 1 իրավաբան, 1 հոգեբան, 2 սոցաշխատող և կամավորներ։ Մեր լրագրողական և հասարակական գործունեության ընթացքում անընդհատ առնչվել ենք հասարակությանը հուզող բազմաթիվ խնդիրների, տեսել ենք նրանց ազատ խոսքի դեմ կիրառվող արգելքները և խտրական ու բռնի վերաբերմունքը՝ հատկապես խոցելի խմբերի նկատմամբ: Որպես լրագրողներ փորձել ենք կանգնել նրանց կողքին և բարձրաձայնել այդ խնդիրները, բայց հանգել ենք այն եզրակացության, որ առաջին հերթին քաղաքացին պետք է ունենա այն պատրաստվածությունն ու գիտակցությունը, որ ինքը պայքարի իր իրավունքների համար: Լուծումը գտանք երիտասարդների ոչ ֆորմալ կրթության, նրանց առաջնորդության կարողությունները զարգացնելու, քաջալերելու մասնակցային կառավարմանը ներգրավելու, մոտիվացնելու մեջ: Այդ նպատակով էլ մեր լրագրողական թիմով հիմնադրեցինք ՄԵԴԻԱԱԿՈՒՄԲ ՔՀԶ ՀԿ-ն և 2019թ․ սեպտեմբերի 6-ին գրանցեցինք որպես կազմակերպություն։ Լավ հասկանալով մեդիայի դերը մեր օրերում և ինֆորմացիոն հոսքերն ու բազմաթիվ մեդիամանիպուլիացիաները, մեր կազմակերպությունը կարևորում է հասարակության մեդիագրագիտության մակարդակը բարձրացնելու անհրաժեշտությունը, ինչպես նաև սոցիալական մեդիայի միջոցով հասարակության հիմնախնդիրներին, մարդու իրավունքների գերակայության ապահովմանը, խոցելի խմբերի շահերին ու փոքրամասնությունների իրավունքների պաշտպանությանը, երիտասարդների ինստիտուցիոնալ զարգացմանը վերաբերող հարցերին սոցիալական մեդիայի միջոցով հասարակական հնչեղություն հաղորդելը, որը կնպաստի երիտասարդների առավել ակտիվ մասնակցությանը Հայաստանի քաղաքացիական և հասարակական կյանքին։
Անդամակցել է՝ 2024
Հիմանդրվել է՝ 2019